Aberto o prazo para inscribirte no Programa Talento 45+: Formación en Almacén, Microsoft 365 e Marketing en redes sociais

En marcha o Programa Talento 45+: cursos 100% gratuitos  para personas desempregadas de 45 a 60 anos:

Unha iniciativa destinada a mellorar a empregabilidade e favorecer a inserción laboral deste colectivo.

Impulsado pola Cámara de Comercio de Pontevedra, Vigo e Vilagarcía de Arousa e Ntfor Learning, S.L., centro de formación profesional especializado para o emprego, en colaboración co Concello da Cañiza e cofinanciado pola FSE+.

Esta mañá, o Alcalde Luis Piña presentou este Programa destacando que a iniciativa “forma parte do compromiso do Concello por apoiar proxectos que favorezan a inserción laboral e a mellora da cualificación profesional das persoas desempregadas”.

Quén pode participar?

O programa está orientado a persoas de 45 a 60 anos (ambos inclusive) en situación de desemprego ou inactividade laboral.

Oferta formativa

As persoas participantes poderán elixir entre tres especialidades:

• Almacén (120 horas). Do 22 de setembro ao 28 de outubro de 2025 en  horario: de 9:00 a 14:00 horas. Curso presencial nas aulas do Edificio Multiusos (agás dúas xornadas de prácticas en Vigo).

• Microsoft 365 (Modalidade presencial ou en aula virtual, segundo o número de inscritos, cos que se determinará o comezo das clases e os horarios).
• Marketing en redes sociais (igual que o anterior, tamén en modalidade presencial ou en aula virtual e por concretar o comezo do curso e os seus horarios).

Itinerario do curso de Almacén (120 horas)

• Organización do Almacén (30h): distribución de espazos, técnicas de almacenaxe e xestión de envíos.
• Prevención de Riscos Laborais (60h): seguridade no traballo, incendios, electricidade, manipulación de materiais e axentes ambientais.
• Manexo de maquinaria e seguridade:
  • Carretilla elevadora (teoría e prácticas nun circuíto real).
  • Transpalet eléctrico.
  • Manipulador de alimentos (inclúe formación sobre alérxenos e APPCC).

Aberto o prazo. Como inscribirse.

As persoas interesadas poden inscribirse xa no programa.

• Enviando un e-mail ao enderezo electrónico: fatima.puente@ntfor.com
• Chamando ao 628 999 060

Como funciona o programa Talento 45+

O Programa 45+ é unha iniciativa das Cámaras de Comercio destinada a paliar os efectos que a crise da COVID-19 provocou nas persoas de 45 a 60 anos en situación de desemprego.

O itinerario inclúe:

• Diagnóstico inicial personalizado para analizar a situación laboral da persoa participante.
• Formación en competencias dixitais, adaptada ao perfil de cada alumno.
• Itinerario formativo específico, con cursos prácticos como os ofertados nesta convocatoria.
• Orientación individualizada para identificar oportunidades reais de emprego no mercado actual.

#ConcelloDaCañiza#AdentrateEnGalicia#Ntfor#Talento45plus#Europasesiente#CursosGratuitos#Formación#OportunidadesLaborais