Clases de Pintura para Adultos. Curso 2025/2026

O Concello da Cañiza pon en marcha un novo curso de Clases de Pintura para Adultos, unha proposta dirixida a todas aquelas persoas que queiran iniciarse ou perfeccionar as súas técnicas artísticas, gozando ao mesmo tempo dun espazo de aprendizaxe, creatividade e convivencia.

Esta actividade forma parte da programación formativa e de lecer do Concello da Cañiza para o curso escolar 2025-2026, ofrecendo á veciñanza a posibilidade de ampliar os seus coñecementos, desenvolver a súa sensibilidade artística e descubrir novas formas de expresión persoal.

• Profesora: Cristina Sicilia, artista plástica e licenciada en Belas Artes.
• Datas e horario: todos os mércores, de 18:00 a 20:00 h.
• Inicio: 1 de outubro.
• Lugar: Casa de Cultura da Cañiza.

As clases están pensadas para todos os niveis, tanto para persoas que nunca tiveron contacto coa pintura como para aquelas que xa contan con experiencia previa.

Ao longo das sesións traballaranse diferentes técnicas, cores, estilos e recursos, sempre adaptados ao ritmo e interese de cada participante.

Inscricións abertas na Biblioteca Municipal.  Teléfono de contacto: 986 66 30 69