Ruta Nocturna en Bici “Camiño das Estrelas” – 17 de xullo

O Concello da Cañiza ten o pracer de convidar á veciñanza a participar na Ruta Nocturna en Bici “Camiño das Estrelas”, que terá lugar o venres  17 de xullo ás 23:00 horas, como parte da programación do Verán de Lecer 2026.

Trátase dunha actividade pensada para todos os públicos, que combina deporte, lecer e natureza nun percorrido nocturno en bicicleta. A ruta discorrerá por un itinerario accesible e seguro, ofrecendo unha experiencia diferente para desfrutar das noites de verán en compañía.

A actividade busca fomentar o uso da bicicleta como medio de transporte sostible e promover hábitos saudables.

Recomendacións para os participantes:

• Levar bicicleta en bo estado e luces dianteira e traseira.
• Uso obrigatorio do casco.
• Traer roupa e calzado cómodos e visibles.
• É recomendable algún elemento reflectante.

A participación é libre e non require inscrición previa.

Esperámoste!