TEATRO. representación da obra «PORQUÉ É SALGADA A AUGA DO MAR», a cargo da compañía “Os Quinquilláns”

TEATRO FAMILIAR

O Concello da Cañiza continúa coa  súa programación de outono coa obra de teatro:  Porqué é salgada a auga do mar,  da compañía de teatro “Os Quinquilláns” que nos presenta, neste espectáculo teatral de pequeno formato, unha divertida obra con dous actores onde se debate sobre a orixe do sal na auga do mar.

O argumento parte dun conto tradicional que trata de dar explicación á salinidade dos océanos e que ten versións en case todas as culturas do mundo.

O espectáculo irá acompañado dun pequeno pasarrúas con bonecos inchables, no que o público acompañará aos personaxes a unha “expedición aos fondos mariños” e no que descubrirán cómo viven e se desenvolven especies coma a manta-raia, o cabaliño de mar, os peixes de cores…