O Alcalde visita as obras de reforma integral do alumeado público de Achas

cun investimento de 277.845,05€, as obras están subvencionadas ao 100% con fondos do Goberno de España, a través do Instituto de Diversificación e Aforro Enerxético, que aporta o 80% do total cunha axuda de 222.276,04 € e da Deputación de Pontevedra,  a través do Plan Concellos 2020 Liña 1, que subvenciona o 20% restante cunha aportación de 55.569,01€.

• Como xa comentou o Alcalde da Cañiza en abril de 2021, cando se iniciaron estas obras na parroquia de Valeixe “esta necesaria e ambiciosa reforma de todo o alumeado público do Concello, está permitindo substituir a deteriorada, desfasada e cara instalación existente por unha moderna e eficiente, cunha calificación enerxética «A» que cumple con todos os requerimentos de iluminación, calidade e confort visual regulamentarios”.

• As axudas do IDAE xa permitiron o cambio de todas as luminarias de Valeixe, Couto, Parada e a colocación de 21 novas farolas no entorno do Santuario da Franqueira. Un total de 1.548 luminarias sustituidas ademáis da colocación de 44 novos cadros de contadores, 67 novas columnas de apoio e instalación de 23 km de novo cable eléctrico.

• Unhas cifras ás que hai que engadir as obras realizadas na parroquia de Achas. A sustitución de 449 luminarias de 35w e 57 luminarias de 55w, a colocación de dúas novas luminarias de color bronce, no entorno do Cotosobreiro e da Tafona, a instalación de 16 novos cadros de contadores, a reposición de 19 columnas e apoios e o despliegue de 7,7 km de cable eléctrico.

•  Unhas obras que se están desenvolvendo nestes días e que en palabras do Alcalde Luis Piña “contribuirán a reducir a factura da luz e polo tanto aumentar o aforro económico considerando que o Concello ten que asumir o pago de máis de 100 contadores eléctricos en todo o término municipal”.

O Alcalde visitou hoxe estas obras na parroquia do Achas que xunto coas xa rematadas en Valeixe, O Couto e Parada o pasado ano e as de A Cañiza, Oroso e Petán que se desenvolverán neste 2022, completan a reforma integral do alumeado público da Cañiza. A única reforma integral desenvolvida no alumeado público dende que se instalara este servizo  hai más de medio século.

A obra de Achas contempla a substitución de 449 luminarias  de 35W  e 57 luminarias de 55W e o tendido de 7,7 km de cable novo. Tamén o cambio de  19 soportes que estaban en mal estado e a instalación de 16 novos cadros eléctricos que agora se adaptan á regulamentación vixente. Ademáis, no entorno do Cotosobreiro e da Tafona se colocarán dúas novas luminarias de color bronce.

Esta renovación integral, sen precedentes no Concello, dota dunha moderna instalación eléctrica á parroquia, co cambio de todas as luminarias a LED de última xeración. Unha luz branca máis luminosa e menos contaminante que repercutirá no aforro dos consumos enerxéticos, cumplindo así cos obxectivos do Pacto Verde da Unión Europea de reducir a contaminación.

O proxecto tamén contempla o cambio do tipo de facturación, xa que se eliminarán todos os puntos que ata agora se facturaban en alzado. Actualmente solo existen 2 contadores de luz, un no Freixo e outro en Randufe. Esto significa que todo o alumeado da parroquia factúrase en tipo Alzado, que se traduce nun maior coste do consumo enerxético  e penalizacións nas facturas. A colocación dos novos contadores permitirá acadar un importantísimo aforro, conseguindo reducir a factura mensual en máis do 50%.