Charla «COIDARME PARA COIDAR»: Autocoidado para coidadoras/es con persoas dependentes a cargo

Unha formación recollida dentro do Programa de actividades do 8M, enmarcada no ciclo de charlas de "Muller e Autocoidado" do Concello da Cañiza.

Os contidos da charla de mañá  centraranse no autocuidado da persoa coidadora:
• Pedir Axuda
• A Depresión
• O illamento
• A ansiedade
• Manexar o estrés
• Poñer límites aos coidados
• Os sentimentos de culpa
 

• Son moitas as persoas que nestes momentos están a coidar dun familiar próximo que non pode valerse por se mesmo.
• Nalgúns casos esta circunstancia é breve e temporal e noutros a necesidade de coidado prolóngase  durante meses e anos.
• Coidar dunha persoa que non pode facelo soa, é unha tarefa difícil e cansa.
• Por iso hai que prepararse, hai que “adestrarse” física e emocionalmente, para que isto non afecte á nosa saúde.
• Ás veces pensamos que podemos, e debemos, asumir en solitario todo o que implica o coidado da persoa enferma ou dependente: alimentación, aseo, mobilidade, entretemento… e isto lévanos a ter que renunciar a nosa propia vida, ao noso traballo, ás nosas relacións sociais, á parte da nosa vida familiar…
• Con todo, hai que tentar convencernos e convencer ás persoas da nosa contorna familiar, de que esta tarefa é unha responsabilidade que hai que compartir.

Para coidar a outra persoa nas mellores condicións, temos e debemos coidar tamén de nós: “coidarse para coidar”.

Nota:  quedamos pendentes de informarvos da nova data de impartición da charla de prevención de cancro de mama "APÁLPATE", adiada o pasado 21 de marzo, polo mal tempo.