Formación «Aliméntate sen culpa» para mulleres e nenas

A Caniza continúa coa programación da 3ª edición do Programa CLARA coa actividade «Aliméntate sen culpa»

Unha proposta dirixida ás mulleres para mellorar os hábitos alimentarios e favorecer unha maior autonomía na elección e planificación da alimentación.

A actividade desenvolverase en dúas xornadas.

• A primeira terá lugar o 7 de setembro, ás 19:00 horas, na Aula CEMIT, co taller «Alimentación e xénero».
  • Durante a sesión traballarase na elaboración dun plan persoal de mellora de hábitos, aprendendo a planificar e realizar eleccións alimentarias conscientes. Tamén se realizará unha simulación de compra cun orzamento limitado, para achegar ferramentas prácticas aplicables ao día a día.
  • O taller abordará tamén a relación entre desigualdade e vulnerabilidade na alimentación, co obxectivo de que as participantes adquiran coñecementos que lles permitan gañar autonomía e capacidade de elección.

• A segunda xornada será o 8 de setembro, ás 10:00 horas, no Edificio Multiusos, e consistirá nunha consulta individual, con valoración da composición corporal, revisión dos hábitos alimentarios e orientación adaptada á rutina de cada participante.

Esta iniciativa forma parte do Programa CLARA, desenvolvido polos Concellos da Caniza e Covelo para promover a igualdade de oportunidades, previr a violencia de xénero e favorecer o benestar das mulleres.

O programa está cofinanciado pola Xunta de Galicia e o Goberno de España, a través do Fondo Social Europeo, no marco do FSE+ Galicia 2021-2027.

Para obter máis información, solicitar cita ou participar nesta e noutras actividades do Programa CLARA, pódese contactar nos teléfonos e WhatsApp 606 118 853 e 687 227 495.